The Untold Yello Pedicab Story ...

At minsan ... sadyang malakas ang sense of humor ni Tadhana.

Ilang days nang nag-aaya si wifey na kumain sa Yellow Cab ... though ako naman ang pizza lover saming dalawa, siya ang aya ng aya (sweet nuh? #smiles).

At dahil hectic ang traffic ng budget, este schedule pala, hindi kami nagka-chance kumain dito.

Ngunit isang gabi ... ika-nga sa mga pelikula kapag me malupet na eksenang darating "Lo and Behold ..."

Pumarada sa tapat ng bahay ang isang de-padyak na pizza cart na ang tatak ay ... dyaraaaaaaaan .. "Yello Pedicab!"

Pramis, laugh trip kami ni wifey! And yes, pizza was served that night! #LoL

Fate's sense of humor reminding us that there's no better feeling in this world than to have someone to share your slice of pizza with ... kahit yello pedicab lang yan! #winks

#Random_Tots_ni_FRiL

Taga Tondo Ka kung ...

"Taga Tondo Ka Kung ..." minsan ka ring nangarap pumunta sa Amerika.

Kasi parang andali dali nang buhay duon at parang ansarap sarap kumita ng dolyares.

Sarap magpapackage ng mga delata o kang guds, cereals, oats, prunes at egg powder (imagine taong 1980s pa lang ang itlog sa amerika ay nilulutong parang hotcake!) Astig di ba?

Tapos pag winter, me snow! Oh di ba? sino ba ang hindi nangarap ng makaranas ng live na snow! Yun me papatak pang snow flakes sa ilong mo na para kang nasa isang pelikula!

Kaso ... nagbago ang isip mo nung medyo tumanda ka na!

Naisip mo kasi kapag winter, magpapala ka ng snow!

Kapag Fall, magkakalaykay ka ng mga dahon!

At sadyang nakakalito kung anu nga ba ang pinagkaiba ng spring at summer! Ang hard di ba?

Tapos naisip mo bigla, me steak nga wala namang tsinitong aso!

Me bagels at beans kahit saan ka magpunta wala namang Pandesal at Champorado na me kasamang matamis na ngiti ni Aling Mila habang binubuhos ang request mong dagdag na gatas (take note, lista pa yan, sa katapusan ang bayad).

Madalas mo pang nakikita sa mga english movies na veggies ang madalas nilang dinner. "Huwaaat? No Rice? Puro Dahon? Anu ako? catterpillar?" ang nasabi mo sa sarili mo.

At tama ang nasa isip mo ... hindi uso ang bulalo dun! Pano pag me amats ka na sa madaling araw? Tsk ... chinito problems yan brad!

At eto pa! Ayon sa mga tsismis ni Ka Gusting ... duon daw ang mga tao walang pakielamanan! Yep! KKM ... "Kanya-Kanya Men!"

Di tulad sa tondo, kung papasok ka ng eskenita at me nag-aamok, me magwawarning agad sayo!

At matutuwa ka sa eksenang aabutan mo.

Yung lalakeng nagwawala na me hawak na jungle bolo? Ayun akap akap ng kumpare nya habang inaawat.

Ganun katapang ang mga taga-tondo lalo na kung para sa kapakanan ng isang kaibigan ... kahit patalim yayakapin.

"Walang ganyan sa states!" ika nga ng isang commercial nuong dekada 90.

Ganun pa man, andaming kaibigan at kakilala ko mula sa Tondo ang ngayon ay nasa ibang bansa na ... at isa na ako sa kanila.

Hindi dahil sa gumana na ang utak namin at naintindihan sa wakas ang Law of Economics at lalong hindi dahil nagpakaprakital kami.

Andito kami sa simpleng kadahilanan ... PAMILYA.

Dahil kung magkakaroon kami ng pagkakataon na mabigyan ng kaunting ginhawa man lamang ang aming mga pamilya, ito ay aming gagawin.

Lahat isasakripisyo. Pipiliin ang lungkot. Kakalimutan lahat ng nakasanayan at mag-aadjust sa bagong mundo.

Dahil ang tunay na taga tondo ... laging nangingibabaw ang PUSO at PAGMAMAHAL PARA SA PAMILYA.

***cutscene***

Lalake 1: Taga-saan ka satin utoy?
Lalake 2: Tondo po!

Lalake 1: Aba eh lugar ng matatapang un ah!
Lalake 2: Kaya nga po ako tumagal dito sa lupang banyaga, gamit ko po ang tunay na tapang na taglay ng pag-ibig para sa pamilya.

Lalake1: (Napangiti) "Taga-Tondo ka nga utoy ..." (sabay tapik sa balikat)

(Ang Blog na ito ay nilikha bilang isang munting pagpupugay sa founder, admins at members ng FB Group na Taga Tondo Ka Kung o TTKK ... patuloy nawa nating baunin ang init ng pakikisama at tatag ng ating mga puso bilang taga tondo saan mang dako ng mundo! #Kampai)

#Random_Tots_ni_FRiL

Unfaithful Medyas

"Life is too short to be matching socks ..." LoLz!

Henyong katwiran ng mga tulad kong tamad at madalas na late.

Ang aga nagising kaso napasarap ng chat ke wifey kaya ayun 7:40 na kumilos samantalang ala-otso ang pasok. Hirap ng malayo ke wifey, walang taga-asikaso. Dati ang trabaho ko lang ay bumangon at maligo then lahat naka-ready na, almusal, kape, damit, yakap, kiss at syempre ... ang medyas! Haist! #aymisyubebe

Pero mabalik tayo sa medyas ...

Dalawa lang ang maaaring dahilan kung bakit di magkaterno ang medyas mo!

Una, sadyang taksil ang mga medyas at wala silang ability na maging faithful sa mga partner nila kaya biglang nawawala ang isa. (Kaya next time na mag-away kayo ng taksil mong dyowa pwede mo syang tawaging isang walang kwentang medyas! ahehe)

Pangalawa, isa itong senyales na kailangan mo nang maglaba. #wink

#need_nang_maglaba

#Random_Tots_ni_FRiL

"it must be trulab ..."

Ang tunay na pagibig daw ay walang pinagkaiba sa kwento ng isang patatas na na-inlab sa isang makinis at mamula-mulang Kamatis. Hindi bagay. Awkward. Walang connect at higit sa lahat off sa compatibility chart ratings!

Pero hindi nagpahadlang si Mr. Patatas, alam nyang kelangann nya ng pogi points para mapansin ni Bb. Kamatis kaya pinili nyang maging isang french fries.

At ganyan daw ang tunay na nagmamahal. Handang magbago. Handang sumubok. Handang mawala ang ibang parte sa buhay nila para sa sinisinta!

Sa pelikula at pocketbook lang naman daw kasi nagkakatotoo ang "i love you just the way you are!"

Dahil ang totoo, ang "love" ine-effort yan.

At kung sakaling isa ka sa mga pinalad na makahanap ng "just the way you are" na pagmamahal, hindi ba at parang unfair naman kung hindi ka man lang mag-effort para maging mas mabuting ka-loveteam ng sa gayon ay mas maging match kayo sa maraming aspeto!

Hindi hinihingi ng love na baguhin mo ang buong pagkatao mo pero kung tila ikaw ay ikaw pa rin habang nasa isang relasyon, malamang daw hindi ito tunay na pag-ibig.

Bb. Kamatis: Awww .. para sa akin pinili mong maging isang french fries?

At kinumpleto ni Bb. Kamatis ang konsepto ng "trulab" ng pinili nyang maging isang ketchup.

"Love makes us better ..." ~ Paulo Coelho

#RandomTots_ni_FRiL
#inspired_by_FrenchFriesKetchup_Story

"Tatay's Day ..."

Mga ilang senyales na tatay ka na ...

Kabisado mo ang theme song ng frozen na let it go at alam mong gusto ni olaf ang warm hugz!

Mas maraming laman na cartoons ang external hard disk mo kesa sa mga gusto mong action movies!

Muli mong naunawaan ang halaga ng kendi, sorbetes, excuse me, sorry at please.

Kapag nalilito ka kung papaluin mo o tatawanan mo na lang ang mga naughty moments ng anak mo.

Kapag kasama na sa mga pahunks mong porma ang six pocket na lonta mo kung saan ang kanang bulsa ay may baby wipes at ang kaliwa naman ay may nakasukbit na dede ng gatas.

Kilala ng mga chikiting mo ang buong tropa kasi mas pinili mo na lang na tumambay kayo sa bahay kesa lumabas at iwanan sila.

Naunawaan mo na para maging mabuting tatay ... kelangan mong maging mabuting asawa.

Kapag masaya ka ng makipapak ng french fries para lang mabilan sila ng Happy Meal.

Maraming iba't ibang uri ng senyales ang pagiging tatay at wala itong perfect game plan.

Hindi mahalaga kung fans ka ng miami o spurs at hindi requirement na mahilig ka magbasketball.

Hangga't sinusubukan mong maging mabuting ama at patuloy na humihingi ng gabay sa Panginoon ... pasok ka sa category na "Best Dad in the World!!!"

Noong nakaraang Father's Day:

Cheska: Dada  dahil father's day ngayon you can watch what you like!

Napangiti ako ... sabay salang ng Shrek. ;)

#RandomTots_ni_FRiL

"Kalayaan ... Pakipulot Please!"

Isang daan at labing anim na taon ng kalayaan mula ng nagpunit ng sedula ang ating mga bayani bilang simbolo nang pag-aaklas laban sa mga mapang-aping kastila.

Ang tanong ... sino kaya ang nagpulot at naglinis ng mga punit nilang sedula?

Minsan naisip ko kung nabanggit sana ni Agoncillo o Zaide sa mga history books nila ang parteng ito ay malamang buhay pa ang Pasig River.

Siguro kung nabigyan ng emphasis na nilinis naman ng mga katipunero yung nagkalat nilang pira pirasong sedula ay naging isang malaking inspirasyon ito sa bawat Juan Dela Cruz upang panatilihing malinis ang ating Inang Bayan.#may_padeeptots_po_yan

Kung sisimulan lang siguro natin yung simpleng disiplina ng pagiging responsable sa mga kalat natin ... malaki ang ipagbabago ng bayan nating mahal.

"Ang Basurang itinapon mo ... Babalik din sayo!" #Pork_Barrel_Scandal

Maligayang Araw ng Kalayaan Pilipinas 
#Three_Stars_And_A_Sun

#RandomTots_ni_FRiL

"Walang Ending ...."

Alam nyo ba na "Gulong ng Palad" ang kauna-unahang radio soap opera na narinig sa Pinas taong 1949 at "Hiwaga sa Bahay na Bato" naman ang kauna-unahang soap opera sa telebisyon taong 1963.

Ang TV adaptation ng "Gulong ng Palad" ay tumagal mula 1977 hanggang 1985 sa BBC2 na kilala natin ngayon bilang ABS-CBN.  Dito ata nag-umpisa ang pagkahilig nating mga pinoy sa pagsubaybay sa mga teleserye.

"Pangako Sa'yo" ni Echo at Kristine ang kauna-unahang modern soap opera na gumamit ng term na "teleserye". Ang "Mara Clara" naman daw ang pinakasikat sa lahat kahit inabot ng halos dalawang buwan bago masampal ni Mara si Clara #hantagal_men. Ang "Flor De Luna" ng RPN9 naman ay considered na isang classic soap starring Janice De Belen na actually ay unang inalok kay Julie Vega.

#Teleserye ...

Bawat isa sa mga nasubaybayan natin ay may kanya kanyang marka. Either mahal na mahal natin yung mga bida or hate na hate natin yung kontrabida.

#Teleserye ...

Parte na ng ating daily routine. Inaabangan. Kinasasabikan. Pinaglalaanan ng oras.

#Teleserye ...

Kahit alam nating anytime pwedeng mag-ending, hopeful tayo na ma-extend nang ma-extend ang bawat kabanata.

#Teleserye

Ganyan ang mga kaibigan mo kapag nasa abroad ka. Me lifespan, me duration. Kahit ayaw niyong matapos, isang araw bigla na lang "last episode" na pala. Kelangan nang umuwi ng Pinas ang isa sa kanila.

Kahit masaya ka dahil makakasama na nila ulet ang pamilya nila, hindi mo maiwasang malungkot deep inside.  Kasi me isang parte ng puso mo ang biglang nabakante.  Ang mga araw na sabik mong inaabangan kung ano ang susunod na mangyayari ay biglang naging farewell episode.

Me kirot sa puso ang mga ganitong tagpo dahil sa totoo lang ... mahirap makahanap ng tunay na kaibigan dito sa ibang bansa.

Pero tulad ng isang teleserye na nag-last episode, wala man bagong kaganapan ay hinding hindi mo makakalimutan ang mga nagdaang araw na puno ng asaran, tawanan, iyakan, tampuhan at lambingan.  Mga araw na nagpatunay na hindi ka nag-iisa at may pamilyang nagmamahal sa'yo kahit hindi kayo magkakadugo.

"Pre, me naisip ka na bang cut scene na pangtapos sa blog na'to?"

"Wala pa pre ... siguro isa ito sa mga blog ko na walang ending ... "

(Para kay Micai at Rommel at iba pang kaibigan na naging parte ng aming pamilya dito sa lupain ng mga Emirati ...)

RandomTots_ni_FRiL

"Back to the Future ..."

"Hindi ka time traveler ..."

Stop going back to the past when it comes to people around you! Hindi na sila nakatira dun, change address na sila. Hindi ka ba na-inform?

And never predict another person's future ... hindi mo hawak un! Unless hindi namin alam na ikaw pala ang titan god of time na si Kronos.

Kung patuloy mong babalikan ang nakaraan ng isang tao o di kaya ay patuloy na huhusgahan ang kanyang magiging kinabukasan anu nga ba ang mapapala mo? Tama. Wala.

"Kasi nga hindi ka Time Traveler ..."

Walang mababago ang pagbisita mo sa nakaraan at panghuhula mo sa kinabukasan. Ang sad sad davah! #Ala_Kris_Aquino_Tone

Sa mga panahon na tila tayo isang time traveler hindi mo ba napansin how empty our days feel? Parang isang malaking void of emptiness ang bawat araw na ganito.

KASI WALA KANG "NOW!". WALA KANG "PRESENT!". WALA KANG "TODAY!"

How could you be filled with something that has gone already? (PAST).

And how could you be filled with something that is not yet here? (FUTURE).

Tandaan! Prerequisite ng isang happy at contented life ang mabuhay sa PRESENT! And that's how the best of relationships are built. To live in the now! To care in the now! To love in the now!

(Sa isang time machine ticket booth ...)

"Ate, isang roundtrip time travel ticket nga po at isang one way!"

"Baket one way lang yung isa? Pano babalik yang kaibigan mo?"

"Iiwan ko na sa past yan 'te ... Para magkaroon ako ng future!"

RandomTots_ni_FRiL

"Nakita Ko Na ..."

One time binabrowse ni wifey yung brochure ng carrefour ...

Wifey: Ui! Andaming magandang sale bebe ko!!!

Ako: Sige checkan mo lang ng checkan!

Wifey: Wow! Talaga?

Ako: Uu nga. Ako na bahala mag-ekis mamaya! Hahaha.

Wifey: Hmp .. Tse!!!

At pasimple akong napangiti ...

"Nakita ko na ... Ang babaeng iinisin ko habang buhay!"

RandomTots_ni_FRiL

"Wash yer name again ..."

"Hi Prilbert!!"

"Ser, it's frilbert!"

"Oh sorry, frilvert!"

#Aguy #Zavlay_faren

Minsan di ko rin lubos maisip kung baket nauwi ako sa pangalang yan!

Bata pa lang ako problema na ang magpakilala sa klase.

"Anu ulet name mo klasmeyt?" 

Ahhh, ewan ko senyo!

Buti pa si MARK kahit ngongo kering keri bigkasin un name nya.

Si JOHN swerte din. Malabong ma-slang mo pa yan.

O kaya JAY. Maiksi, conscise. Walang kahirap hirap. Matipid sa tinta. Matipid sa papel.

Haist! Ako FRILBERT.

Pero ika nga nila, nung pinanganak ka eh nagconspire ang buong cosmos para maging pangalan mo un pangalan mo ngayon! At wala kang magagawa dun! Cosmos ang nagdesisyon!

Siguro isipin mo na lang na me purpose kung baket taglay natin ang pangalan naten. Kung ang nunal mo nga sa kaliwang wet ... wet armpit mo eh me meaning, pangalan mo pa!

In my case, un pangalan ko ang naging way para maging sociable ako tuwing ipapaulit un name ko. "Frilbert!" Para maging polite. "Frilbert po!" Para maging patient. "errr ... Frilbert nga po!" Para maging pa-cute. ~ yeah! it's frilbert with an "ef"

Kaya maski ganyan ang pangalan ko, luvz ko yan! Di lang maiwasan magreklamo minsan dahil natural na ata sa tao un pero tenkyu sa gwapings ko na tatay at pretty na nanay dahil tila nireserba ng cosmos ang pangalan ko para wala akong kaagaw sa mga email ids at usernames. #ohyeah

"Wash yer name again?"

"Wash mo rin name mo! ke ayuz ayuz ng pangalan ko papahugasan mo!"

(isang classic na joke na narinig ko mula sa aking mga tiyuhin habang sila ay nagpapasahan ng baso ...)

P.S. Ang blog na ito ay isang pasasalamat sa aking mga mahal na magulang. #SALAMAT_PO #labyu_both #mwuah

RandomTots_ni_FRiL

"Steady ka lang ..."

Alam nyo ba na malaki ang chances to stay connected sa isang wifi network kahit very poor ang signal nito basta steady ka lang.

And just the same, at your poorest and weakest state, sabi ni Lord steady ka lang and stay connected to Him kasi sagot ka nya!

Maniwala ka sabi ni Lord yan!

Exodus 14:14 ~ "The LORD will fight for you; you need only to be still."

"sabi sa'yo eh .. steady ka lang!"

RandomTots_ni_FRiL

Pa-deeptots ng isang Buffet Halo-Halo ...

"Kayo po ang gagawa o igagawa ko po kayo ser?"

Yan ang tanong saken ni Ate (service crew) last nite sa isang pinoy resto na me promong "make your own halo halo!"

Si ate talaga oh, make your own nga eh! Buffet halo halo kaya dapat self service. Buong pilosopo kong pangangatwiran sa aking isipan.

"Kami na lang po ang gagawa 'te!" ang sagot ko na nakangiti para kunyari mabait at upang itago ang maitim kong plano na sulitin ang ibabayad na 10 Dirhams. #grin

"Sense of Self-Entitlement." yan un pakiramdam na binigyan ka ng chance to have the authority to do as you will sa mga sitwasyong usually wala kang control. Isang masarap na feeling. Medyo negatibo kung tutuusin, pero sino ba ang aayaw sa mga pagkakataong tila "no rules" ang tema lalo na kung halo halo ang pag-uusapan.

Kaya ... Let the buffet halo halo begin!

Maingat kong tinakal ang mga sahog.

Pipiliin ko sana yung mga sahog na gusto ko lang lalo na ang minatamis na saging, pero naisip ko, anu naman ang sense ng halo halo kung me isang partikular na sahog lang akong pupuruhan. eh di sana nag saging con yelo na lang ako.

kaya ayun, lahat ng makita kong sahog maski isa o dalawang butil man lang eh nilagay ko sa baso ko.

Hindi ko alam sa puntong ito kung sinusulit ko ang bayad o sadyang P.G. mode lang ako nung gabing iyon.

Kaya ayun ang ending, mahigit 3/4 ng baso ko ay sahog.

Halos hindi ko na matakalan ng yelo to the point na bawat lagay ko ng yelo ay tumatapon ang sabaw ng mga sahog na pinaglalagay ko.

Hindi ko na rin malagyan ng gatas. Simpleng umaagas lang sa gilid ng baso ko ang bawat buhos nito.

At dahil magkalayo ang station ng yelo at gatas sa station ng lechen flan, halayang ube at kung anu ano pang toppings ay kinailangan akong maglakad.

Sige ang tapon ng sabaw ng halo halo ko sa bawat hakbang ng paa. Pasimpleng sinulyapan ko si Ate service crew, medyo salubong na ang kilay nya. Inis malamang sa nagkalat na tulo ng sabaw mula sa aking baso.

Haist. Kahiya-hiya. Kalunos-lunos. Kahindik hindik.

At ang ending isang baso ng halo-halo na puno ng sahog pero tila ice tubig sa tabang.

At sa sobrang siksik ... ang halo-halo ko hindi ko mahalo halo! #hu_hu_hu

Pulang pula ako sa kahihiyan habang sinusubukang imix ito habang ang misis ko at mga kaibigan namin ay pulang pula din sa kakatawa sa akin! #ha_ha_ha #kala_nyo_nakakatuwa_ha #me_araw_din_kayo #hmp

Haist. Sadya atang totoo na hindi porke't nakalamang ka eh magiging masaya ka. Delikado pala ang sense of self-entitlement.  Mahalaga pa rin palang alam mo ang limits and you stick to it para hindi messy ang buhay! #padeeptots

Kaya sa susunod na tanungin ako ni ate service crew alam ko na ang isasagot!

"Ate pakigawa na lang ako pleeeeeaaase!" with matching pungay ng mata!

RandomTots_ni_FRiL

"Tikman ang Lugaw ..."

Customer: Waiter, tikman mo nga itong lugaw ko!
Waiter: Ser, baket po? malamig na ba?

Customer: Basta, pakitikman naman oh!
Waiter: Eh Ser, me problema po ba sa timpla?

Customer: Tikman mo na lang kasi.
Waiter: Sige na nga ser, tikman ko na nga! Asan po yung kutsara?

Customer: Ayun nga eh ... asan ang kutsara?

#BoomPanes ... akalain mo wala palang kutsara!

At minsan ganyan tayo! Parang isang waiter na tanong ng tanong kung ano ang problema pero hindi naman talaga nakikinig dahil ayaw nating aminin na tayo ang may pagkukulang!

Maraming problema ang madaling matatapos kung sa una pa lang ay solusyon na ang ating titignan imbes na maghanap ng pwedeng sisihin.

"Nung mayaman kami madalas kaming magkamay, ngayong naghihirap kami natuto kaming magkutsara ... mahirap pala kasing kamayin ang lugaw lalo kung mainit."

RandomTots_ni_FRiL

"Plus One ... "

Ang simpleng equation ng buhay "Plus One" ...

Kaya nga ata every year ang celebration ng birthday ... another year wiser ... Plus One!

Sa ating relasyon ... dapat "Plus One" lang .. kung higit sa isa asahan mo masakit sa ulo!

Sa ating mga pagkakamali sa buhay ... dapat daw kung nadapa ka ng syamnaputsyam na beses dapat ay bumangon ka ng isang daang beses ... "Plus One"

Yung mga pangarap natin sa buhay minsan ay parang pag-aantay ng dyip ... lagi mong sasabihing isang antay na lang bago ka magdesisyong sumuko at umuwi ... "Plus One"

At bago ka tuluyang magalit sa isang tao ... bago ka mag-giveup ... bigyan mo pa ng isang pagkakataon ... isang hirit pa ... isang tiis pa .. dahil minsan andun ung tunay na pag-ibig.

"Plus One"

RandomTots_Ni_FRiL

"Buffer ... errrr"

One time nag-away kami ni wifey, matic syempre na walang kibuan. Nakakabingi ang katahimikan.

Tahimik syang nagluluto sa kusina, tahimik akong nanonood ng TV sa sala.

Nakakailang. Weekend pa naman. Unang araw ng two days off ko. Kung hindi ako magda-damoves, malamang magmistulang pyesta ng panis na laway ang aabutin namin.

Buti na lang at biglang naghashtag ng #lightbulb ang aking isipan.

#BACKGROUND_MUSIC.

Pinopup ko ang searchbox ng youtube sa aking celfon sabay type "it might be you" at voila ... heto na ang aking pamatay na background music.

Pinause ko muna ang video habang dahan dahang lumapit kay wifey.

Mula sa kanyang likuran, niyakap ko sya ng aking kanang kamay, habang pineplay ko ang celfon ko sa kaliwa at nagumpisang tumugtog ang malupet kong background music.

Sumandal si wifey sa akin at unti unting humilig ang kanyang ulo sa aking leeg.

Biglang napahashtag ang aking puso ... #epektib.

At dahil mahaba ang intro ng themesong namin, pikit mata kong ninamnam at inabangan ang unang stanza pero ....

"errrrr ..."

Nawala ang background music, huminto ang kanta .... Waaaaaaah ... nagbuffer ang youtube! Hmp. #Hanubayan

#Buffer ...

Ganito madalas ang eksena ng ating buhay. Matapos ang mahabang soul searching ika nga, oras na masumpungan mo at maumpisahan ang bagay na siga
w ng puso mo ay tila bigla na lang hihinto ang progreso, parang sasakyang nastuckup sa traffic, biglang ayaw umusad.

#Buffer ...

Mga moments na hindi mo alam kung me mangyayari pa ba o panahon na para palitan ang playlist ng buhay mo.

#Buffer ...

Isang munting proseso na ang design ay hindi para asarin ka kung hindi para idoublecheck ang laman ng puso mo! Kasi you either wait, change your selection or start all over again.

Ito ang reyalidad ng buhay. Kasama ang paghihintay. Laging me buffer kahit gaano ka pa naghandang mabuti.

Siguro, sa mga panahong buffer ang hashtag ng sitwasyon natin at wala tayong magawa, i-enjoy na lang natin kung saan man tayo nahinto dahil for sure kasama yan sa grand design para marating mo ang tunay mong patutunguhan.

Wifey: Oh ... anung nangyari sa music mo?
Ako: Nagbuffer .. hayaan mo na, mahalaga yakap na kita!

Sabay muling tumunog ang celfon ko "Time, i've been passing time watching trains go by ... all of my life!" #Awwwwwwww

RandomTots_Ni_FRiL

"Kusina ni Wifey ..."

"I'm a food person ..." sosyal pakinggan anu? Pero ang totoo nyan, matakaw lang talaga ako. LoLz!

That is why i have always been thankful having a wife who really knows how to work up her magic in the kitchen.

Almusal, Brunch, Tanghalian, Merienda, Dinner, MidnaytSnak at snacks bago matulog (opo, magkaiba yun! hehe)

And the thing i love the most is that we get to share this wonderful gift of my wife with our family and friends.

Walang sawa niya kaming pinagluluto. Birthdays, Anniversaries, Monthsaries, Binyag, Kumpil, kapag me napromote, kapag me nademote, welcome party, despedida, kapag lumalablayf ang tropa, kapag me brokenhearted, etc. etc.

And everytime she does, it will always be a hearty meal. Kasi she knows how to make FOOD as a medium of LOVE. Astig di ba?

Sabi ng wife ko, anybody can cook, and yes that is true.

But she doesn't only know how to cook ... more essentially is she knows when to cook!

She knows those moments na kailangan ang food to celebrate life even without any particular occassion, moments na need ang food to comfort a person, those moments that food will strengthen the bond of friendship.

And that to me is a gift, a talent, that not all of us have.  A talent of my wife that i will always be thankful for.

And with that, if you are married to a woman who tirelessly cook for you day in and day out ... don't forget to appreciate her kahit pritong itlog lang yan or instant noodles, dahil cooking will always be one of their medium of love para sa atin.

P.S.
Minsan naisip ko kung biglang malayo sa akin si wifey, malamang para akong timang na magtatanong sa karinderya ng ganito ...

"Manang, ang tinda nyo bang ulam dito ay may sangkap na pagmamahal?" (sabay iwas sa binatong kutsaron ni manang...)

#RandomTotsNi_FRiL

"Wait A Minute, Kapeng Mainit ..."

Minsan kahit gaano mo pa paghandaan ang mga bagay bagay, may mga panahong kailangan mo pa ring maghintay!

Parang KAPE, gusto natin mainit pero hindi naman basta iinumin, papalamigin mo pa rin ng onti.

At minsan sadyang pinaghihintay tayo ni God kasi ayaw nyang mapaso ka!

And by the time na okay na ang kape, magugulat ka me bonus ka pang pandesal na isasawsaw!

Kaya wag mainipin, wag piliing mapaso! At tandaan, madalas me bonus ang marunong maghintay!

FRiL

"Sintas ng Sapatos ..."

Kaya pala isa sa mga unang tinuro sa atin ay ang pagsisintas ng sapatos dahil sa pagtanda natin may mga bagay na tanging tayong lang ang makakagawa para sa ating sarili.

Kaya next time na madapa ka dahil sa kalag mong sintas, wag kang manisi ng iba! Imbes, bumangon ka at tumayo, igihan ang pagkakasintas ng buhay at muling lumakad.

FRiL

"Isang Mahabang Pila ... "

Huwag kang maiinip sa mga bagay na tama ... dahil ang buhay ay isang mahabang pila.

Ayus na ang matagalan sa pila! Maniwala ka mas magaan sa kalooban na narating mo ang counter nang hindi ka sumingit. Fulfilling yun pramis!

Tandaan, hindi lahat sa buhay ay dinadaan sa diskarteng mabilisan. Maraming bagay ang nangangailangan ng panahon para maging tunay na makabuluhan.

At habang nakapila tayo ... Wag mong kalimutang ngumiti dahil nakakainip man minsan pumila, asahan mo puno ng katuturan ang bawat sandali.


FRiL

"Direksyon ... elemento ng pag-ibig"

Napansin mo ba? "AKYAT" Ligaw. "TAPAT" na pag-ibig at "PAMAMANHIKAN".

Lahat ng yan ay related sa "DIREKSYON" ... Akyat, Panik, Tapat.

Kasi ang LOVE dapat may direction kung hindi .. wala itong patutunguhan.

FRiL

"5 Seconds Rule ..."

Sa buhay, lagi mong tatandaan ang "5 seconds" rule.

Kung magkakatampuhan kayo ng mga kaibigan o mahal mo sa buhay ay wag mong patagalin.

Pulutin mo agad, pagpagin at hipan kasi nga wala pang 5 seconds, "pwede pa yan!".

"Sabi nga ng lola ko, hindi nman nakamamatay ang kaunting germs, kailangan din ng katawan mo yan!"

Parang tampuhan at di pagkakaunawaan, minsan healthy din sa relationship yan ... wag mo lang pagtatagalin.

FRiL

"Love has it's own time ..."

There was a guy who came to know he could travel back in time, and just as most of us would, he decided to travel back in time and pursue his first love.

He went back to that one summer when he first met this girl.  He did everything to impress her, travelling back in time each moment he made a mistake or thought that he could do things better just so to make her fall in love with him.

And on the last day of that summer, he took the courage to tell her how of the love he feels for her.

The girl replied;

"Why now, when it was the last day of summer. I enjoyed your company so much, but all through out the summer i have made my plans and having a relationship was not one of them. If you told me in the beginning of summer, perhaps my plans would have changed."

And as you have guessed, the guy traveled back again in time ... in the beginning of that summer and immediately confessed his feelings for her.

The girl replied;

"I dont know, i like your company. But i guess it's too early. Summer has just begun. Do one thing, stay as wonderful as you are and ask me again on the last day of summer and we'll see where we end up."

With heart crushed, the time traveller realized this ...

"LOVE HAS IT'S OWN TIME ..."

(inspired by the movie ... it's about time)


FRiL

"Dahil Walang Schedule ang Buhay ..."

At any point of time, pwede kang masaktan, mabasag at madurog!

Pero dahil wala ngang schedule ang buhay, at any point of time, pwede kang ring sumaya, matutong umibig at makumpleto!

Wag mong ihanda ang sarili sa mabuti o masama! Hindi natin hawak yan!

Ang mahalaga, umibig ng tama, mahalin ang kaibigan, irespeto ang magulang, yakapin ang kapatid at patuloy na maniwala na laging mananaig ang mabuti sa masama!

Dahil walang schedule ang buhay!

FRiL

"Mas madaling makita ang wala ..."

Pag ngumiti ang isang tao, kita mo agad kung may bungi sya.
Pagkakain kayo at walang laman ang isang silya alam mo agad kung sino ang kulang sa hapag.
Pagbukas mo ng ref, alam mo agad kung anong stock ang wala ka na.

Kasi nga mas madaling makita ang wala.

Tulad sa tao, mas madaling makita ang kakulangan ng isang tao, mas madaling makita kung ano ang wala sa kanya.

Sa ganitong pagkakataon ... naghahanap tayo ng iba sa pagaakalang mas higit ito sa taong kasama natin ngayon! pero ang totoo, ung "wala" lang ang nakita natin sa bago.

At madalas kakatingin natin sa mga bagay na wala hindi na natin napapansin ang mga bagay na meron hanggang sa isang araw ... lahat ay tuluyan ng nawala.

Mas madaling makita ang wala ... pero tandaan, minsan ang mga bagay na mahirap makita ang mas makabuluhan. 

FRiL

"Mini Heart Attack ..."

Eto yung tipong bigla kang nabigla (imagine that! biglang nabigla .. kakabigla yun ah!)

Kaparehas halos ito ng sensational feeling kapag bumulusok pababa un roller coaster na sinasakyan mo!

Titigil bigla ang mundo, mawawalan ng sounds ang paligid mo at para kang naparalyze ng ilang segundo at matapos ang pagkabigla mo ... sumisigaw ka na sa tuwa sabay taas ng kamay woooohooooo!

Yan ang kagandahan ng mini-heart attack ... may bawi.

Sample No.1:

Yung iPhone mo na bigla mong nabitawan habang nagse-selfie ka ... buti na lang rubberized ang cover kung hindi ay nascratch na ang anodized  aluminum back case nito! (kung anu man ang ibig sabihin ng anodized)

At muli kang nagpasalamat ke Steve Jobs na ang screen ng iphone mo ay gawa sa corning gorilla glass2 (kahit di natin alam kung anung churva yan pero ang angas pakinggan di ba?)

May Bawi.

Sample No.2:

Kinatatakutang mini-heart attack ng mga sobrang mapagmahal. WRONG SEND!

Number ni "Mahal ko#1" ang napili mo sa contacts imbes na number ni "Mahal ko#2!"

Lakas maka-comatoze ng mga ganitong moment!

Ang bawi ... buti na lang wala ka ng load! oh yeah! safe! pasadong mini heart attack moment!

Sample No.3:

Katagang malakas maka-mini heart attack "Pwede ba tayong mag-usap?"

Eto yung mga moments na biglang auto-rewind mode ang utak mo thinking kung me nagawa ka bang mali at kelangan pa nyang ipagpaalam ang pag-uusap nyo!

9 out of 10 daw ang sasagot ng "baket, me problema ba?" at iisa lamang sa sampu ang kayang sumagot agad agad ng "sure! why not!" sa ganitong sitwasyon!

Ang bawi dito ... kahit me nagawa kang mali nakahanda siyang ayusin ang lahat.

Mini Heart Attack ..

Kahit pa gaano nakakayamot at nakakainis, yan ay mahalaga sa buhay!

Minsan sa mga ganitong maliliit na insidente mo biglang nakikita ang bigger picture!

Kumbaga para siyang preview ng probability ng buhay para ipaalala sa atin na anytime pwedeng masira at mawala ang anumang hawak natin kung hindi tayo matututong magpahalaga, mag-ingat at ilagay sa ayos ang mga bagay bagay!

Bagama't hindi naman natin talaga hawak ang ating kapalaran, iba pa rin yung ikaw ay nag-ingat, nagpahalaga at pinilit gawin ang tama. Mas less ang pagsisisi at mas madaling makabawi.

Kaya sa susunod na mini heart attack moment mo ... treasure the lesson! ;)

FRiL

"Ang mga kaibigan ko parang CAKE ..."

Minsan puno ng icing (super tamis) ..
Minsan meron pang toppings na cherry (totyal)
Minsan parang bibingka (opo, cake din un) mainit init pa
Minsan naman parang Croquembouche cake .. ang hirap ispellengin
Minsan parang hotcake .. plain and simple (cake ba un?)

Ah basta, ang alam ko para silang cake ...
Ang bawat slice ay mahalaga ...
Messy man minsan at hindi maiwasang magkalat
Special pa rin ang bawat isa ... anung uri man ng cake sila.

Ang mga kaibigan ko parang CAKE ...

FRiL

Isang Digital New Year ... 2014

"At dahil digital na ang panahon ngayon ..."

Wag lang gadgets ang i-upgrade natin sa taong 2014!

I-upgrade din natin ang pakikipagkapwa, kabutihan at pag-ibig.

Patuloy na i-update ang ating relasyon sa Panginoon.

Piliing mag-install ng munting apps na kung tawagan ay positivity at patuloy na mag-subscribe sa courage, faith and hope.

I-downgrade ang pride at i-reset sa default factory settings ang ating mga ego.

I-uninstall ang galit at inggit at i-delete ang mga negative vibes.

Kung may ito-throwback ka man ... siguraduhing ito ay magandang alaala.

At araw arawin ang hashtag ng pasasalamat sayong pamilya at kaibigan na laging nakasupporta at nagmamahal sayo!

Happy New Year po sa lahat!!!

Sabayan nyo kong sumigaw .... "woooohooooo ... we survived 2013!!!"

FRiL

“Sige lang Beybi Click ka lang ng Click …”

SELFIE

Bukod sa pagiging word of the year, ito ang nagturo sa karamihan sa atin na lahat tayo ay may angking ganda at kagwapuhan! Wag mo kong tanungin kung saang banda un sa akin kasi hindi ko rin alam! (hehe)

Well, nakakauyam man minsan yung mga friends ko na lakas mangflood ng timeline ng iba’t ibang uri ng selfie nila ay wala naman akong reklamo! Ayuz lang un kasi wala naman talagang masama sa selfie!

Documentation ika-nga nila ang madalas na dahilan ng pagse-selfie, after sometime kasi ansarap balikan ng mga ito.  At kung ako man siguro ang may hi-tech na celfon at astig ang front camera, malamang puno rin ng mukha ko ang newsfeed nyo! ;)

Selfie … tunog selfish pero actually hindi naman. Selfie kasi mag-isa mong kinunan ung sarili mo! Ikaw lang ang nagpicture at ikaw din ang bida! At walang masama dun lalo na at pa-good vibes ang caption mo (e.g. smile lang jan ..  tiis lang para sa pamilya … puyaterz, gimik with wifey last nite!)

Para sa akin, mas selfie pa sa aspetong selfish ang mga status na akala mo nabili nila ang lahat ng karapatan sa mundo na ipost ang galit sa isang tao at ung status na nag-uumapaw sa tapang na akala mo hybrid siya ng sige sige at sputnik at mga mapanghusgang pasaring sa statusbox nila!  Selfiesh yun kasi di mo na kami kinonsider … kami na ang hanap ay world peace! Ahehe … pero seryoso, mas kaasar un mga ganyang banat. Selfish di ba?

Mas okay na sa akin ang pagoodvibes effect na selfie kahit di masyado kagoodlooking! Kaya asahan nyo ang thumbs up ko next time na post nyo ng selfie at para fair … paki-like na rin yung akin! ;)

Pikit ang mata, kunot ang noo, sabay suntok sa ere “tsk lowbatt ako … haist sayang ang gel.”

FRiL

Lesson Plan ...

Bawat taong lumilipas ay tila isang teacher sa ating buhay.

At tulad ng mga nakalipas na taon, si Teacher 2014 ay iisa lang din ang lesson plan ... "SURPRISE QUIZ"

Siya yung tipong kung kelan ka ready ay saka walang test ... at kung kelan ka hindi nagreview, naka-ngiti pang ia-announce na "klas, wanhap padpeyper lenkwais. now na!" at ang masaklap madalas wala kang baong papel. oh men! lakas maka-comatose!

Pero sa totoo lang, hindi naman hangad ni Teacher 2014 na lagi kang maka-100 sa mga surprise quiz nya, wapakels siya sa magiging resulta nito, ke pasado ka, pasang awa o kahit bumagsak ka pa.

Ang tanging purpose kasi nya ay makita kang hindi tumalikod sa mga exams na ibabato nya.  Happy na siyang makitang pilit mong sinagot ang quiz kahit gaano pa ito ka-surprise.

Ang goal ng mga teacher sa bawat taong lilipas ay iisa. Ang ipaunawa sa atin na walang kasiguruhan ang bawat araw kaya Surprise Quiz ang learning strategy nila.

Kaya nga daw kung nasa taas ka, wag masyadong mayabang kasi anytime pede kang bumagsak! At kung nasa baba ka naman, wag mawawalan ng pag-asa dahil patuloy na iikot ang mundo at pwedeng magbago ang sitwasyon mo any moment!

At tulad ng mga quiz natin sa school noon, may mahirap, may madali at minsan may give away pang sagot si Teacher at minsan din lahat ng present pasado, as simple as that! Kaya wag kang aabsent!

Kaya wag aayaw sa mga surprise quiz ng buhay! Allowed ang erasures, pero bawal kalimutan ang kalakip na lesson sa bawat mali.  At kung bagsak ka ke Teacher 2013, okay lang ... hindi pa naman FINALS yan, pwede pang bumawi ke Teacher 2014.

(Pabulong) ... "Klasmeyt, enge pang isang papel, lenkwais pala ang hati, kroswais un cut ko!" sabay kamot ng ulo!

FRiL

Wag Mo Nang Itanong ...

At tulad ng Pizza ...

Maraming bagay ang patuloy mong hindi mage-gets.

Bilog ang Pizza, Square ang Box at Triangle ang bawat slice.

Di mo man gets pero tanggap mo!

Minsan kasi, hindi nman kelangan ng explanation basta na lang nagja-jive ang mga bagay bagay.

At hindi nman lahat sa buhay ay kelangan mong kwestyunin, mauubasan ka lang ng laway maniwala ka.

Pero tulad ng pizza, dapat bago mo tanggapin yung isang bagay na tila walang sense kelangan kumbinsido ka na mukhang okay naman siya kahit ganun .. kelangan ng elemento ng pagiging "tila tama"

Mahirap man kasing malaman ang tama sa mali, kapag ramdam mong "tila tama" ang isang bagay ibig sabihin nun ay may kargang kabutihan ito at ito ang pinaka-importante sa lahat!

Pepperoni ang flavor ng Pizza ko at tira tirang crust ni wifey ang peyborit kong part! Wag mo nang itanong!

FRiL

"Labindalawang Prutas na Bilog ..."

12 fruits na bilog para daw 12 months of abundance!

Hindi ko sure kung baket kelangang bilog, di ba pwedeng kahit anung prutas na lang?

Sino kaya ang nagpauso nito? Anyway, kung sino man sila ... anlakas nyong magtrip ha!

Naalala ko tuloy nung bata ako, lagi akong kayag ng lola ko sa palengke tuwing bisperas ng bagong taon.

Patakbo takbo kaming nagkikipagpatentero sa mga tambay na hindi mapigilang maghagis ng paputok sa kalsada.

Kasunod ng bawat putok ay ang sigaw ng lola ko!

"Mga damuho kayo! kita nyong me daraan eh!"

Na sasagutin naman naman nila nang ...

"Pasensya na po Aling Dolor! Happy New Year! Bawal pong magalit ngayon sige kayo baka isang taon kayong galit nyan."

At nagawa pang manakot ng mga damuho. Hehe

Pagdating sa palengke, walang habas na tawaran naman ang eksena! hanggang makumpleto ang labingdalawang prutas!

At pagdating sa bahay, isa isa namin itong iinspeksyunin.

Chico, Melon, Ubas, orange, sunkist, dalandan, suha, mansanas, pakwan, mangga, peras (although hindi ganun kabilog un iba ay pwede na raw basta mejo hugis bilog) ...

At ang huli naming nilabas sa supot ... dyaraaaan ... saging! HUWAAAT! errrr .. pahaba un hindi pabilog! Que Horror! hanggang november lang, kapos kami ng isang prutas para makumpleto ang 12 months!

At dito pumasok ang pagiging McGyver ko, binalatan ang saging sabay slice and voila ... bilog na sya! Problem Solved.

At eto palagay ko ang tunay na konsepto sa likod ng 12 fruits.

- Ang ipaalala sa atin na lahat ng bagay ay kelangang paghandaan.

- Labingdalawang iba't ibang uri para ipaalala sa atin na ang buhay ay exciting!

- Mahirap man kumpletuhin ang 12 prutas at sandamakmak na baratan ang eksena pero kapag ito ay nakumpleto mo, napaka-rewarding!

- Labingdalawang prutas na matamis para ipaalala sa atin na ibase mo ang mga desisyon mo ayon sa tama at mabuti.

- Labingdalawang prutas para ipaalala na ang blessing ay shine-share dahil kung pipilitin mong ubusin mag-isa lahat yan, hihinto ang feelings mo sa pagkabondat lamang, hindi ka magiging Happy, pramis!

- Labingdalawang prutas na iba't ibang level ng sweetness, me matamis, me sobrang tamis, me mejo matamis at minsan meron ding matabang! At ganyan din sa buhay! hindi laging matamis pero asahan mo laging may sustansya!

- Yung saging at ibang prutas na hindi naman talaga bilog ... paalala sa atin na okay lang kahit hindi perpekto ang kinalabasan ng mga desisyon natin, ang mahalaga sumubok tayo!

- At yung mga damuhong naghahagis bigla bigla ng paputok sa kalsada! sila yung mga tao na aanuhin ka kahit di mo sila inaano pero wag mong piliin na mag-anuhan kayo! (Anu daw? haha!)

Basta madami kang makakasalamuhang ganyan! Buong taon silang present maniwala ka! Pero wag mong hayaang pigilan ka nila sa mga magaganda mong plano at pangarap! lukso, iwas, kandirit, takbo .. kahit papaano pa! basta ang mahalaga .. wag kang susuko!

FRiL